الشريط


counter map
المظهر: نافذة الصورة. صور المظاهر بواسطة merrymoonmary. يتم التشغيل بواسطة Blogger.

تنشيط اخر المواضيع

تنشيط اخر المواضيع
تنشيط اخر المواضيع

تنشيط اخر المواضيع

الخميس، 29 ديسمبر 2011

صرخة زملكاوى............صرخة هاني خليفة


اولا ياريت كله يقرأ للاخر لان الموضوع ده هو ال هيجيب الدورى ... كنت ناوى اكتب الموضوع دا قبل ماتش الزمالك و الجيش لكن قولت اهى الأمور ماشية و خلاص و ادينا أول الدورى لكن الوضع دلوقتى بقى صعب و مش عاوزين نضحك على نفسنا

انا مش هاتكلم فى حاجة المفروض نعملها جديدة مخصوص عشان الزمالك الدورى بيضيع من ايديه لا بالعكس
الكلام دا المفروض نعمله طول حياتنا و كل مرة بنروح فيها الاستاد نشجع الزمالك


ليس التشجيع هو ان تعطى ظهرك للملعب لتردد بعض الاغانى فى حب الفريق فقط (بالطبع لا اعلكم كيف يكون التشجيع فانتم من علمتم مصر كلها كيف يكون الالتراس) .. ولكن التشجيع ان تعيش المباراة وواقعها فلو ثارت جماهير الزمالك بعد ضربة الجزاء الصحيحة الغير محتسبة لم يكن يتجرأ الحكم على عدم احتساب الهدف الصحيح

احد تلك الكرات كانت كفيلة بان لا يخرج الحكم من بورسعيد او الاسكندرية او الاسماعيلية .. ولكن اصبحت جماهير الزمالك بعيدة تماما عن احداث اللقاء

لا اطالب بااقتحام الملعب ولكن اطالب ان يشعر الحكم ان هناك جماهير اسود جالسة فى المدرجات وليس مجرد مكبرات صوت لترديد بعض الاغانى

الاولتراس بكل أفكارهم و معتقداتهم و أسلوبهم فى التشجيع و التجمع و الاحتفالات فى النهاية مشجعين كورة
مش بلياتشو فى سيرك الناس تتفرج عليه و تقول الله عملها ازاى دى !!

كلنا تقريبا شوفنا الفيديو بتاع المشجعين بتوع آسيا و هما فى المدرجات و عمالين يعملوا أشكال بصورة سريعة
جدااا عن طريق لبسهم و حركتهم فى المدرجات و كانت كل التعليقات دول لا يعتبروا اولتراس دول ينفعوا فى
مهرجانات و استعراضات

انت رايح الاستاد تشجع الزمالك مش عشان تتمنظر ولا عشان تشتم ولا ترد على اهانات
كلامى مش معناه انى ضد الدخلات الجميلة بالعكس دى حاجة مهمة جدا و بتدى انطباع حلو للجمهور اللى
فى البيت و مش قادر يكون متواجد و كمان للاعيبة بتاعتك لما بتشوف منظر جميل فى المدرجات

بس هل الموضوع بيقتصر على كدا ؟ دخلة حلوة و شوية اغانى و خلاص بقولها و انا ضهرى للملعب ؟

المفروض ان الجمهور هو روح الفريق و اللاعيبة هى الجسد

لازم نكون ماشيين مع إيقاع المبارة و بنغير من أداءنا أثناء المبارة على حسب أحداثها

حاجات بديهية لازم يعملها الجمهور :

1 - ارهاب المنافس و تحطيم معنوياته .. و دا بيكون عن طريق التواجد المكثف فى المدرجات ماتكونش فاضية
كدا أو مرقعة فراغات

2 - تشجيع الفرقة حسب سير المبارة : ماينفعش يكون الزمالك خسران و نفضل احنا نغنى نفس الاغنية اللى ايقاعها
ضعيف جدا 7 دقايق ورا بعض !! زى مثلا الليلة جينا ندعى و نقول ياربى

ــــــــــــــــــــــــــ

ايه المشكلة اننا نغنى كل 3 دقايق اغنية مختلفة 3 مرات ورا بعض و بصوت عالى جدا يهز الملعب
و باقى الوقت نركز مع اللاعيبة .. اللى يدافع كويس فى كورة نصقفله و لما الكورة تكون مع المنافس
نفضل نصفر بدل ما بنفضل نغنى نص الوقت بس و النص التانى ساكتين من التعب !!

حتى لو الكلام اللى بقوله دا ضد عقلية الوايت نايتس

معلش تنازل عنها الـ 5 ماتشات اللى جايين بس

زى ما المدرب ساعات بيقول للاعيبة مش مهم الأداء المهم الـ 3 نقط

و لازم توعية لجمهور الدرجة التانية لأن صوته واصل للاعيبة أكتر و ساعات بيبوظلنا التشجيع عن قلة فهم و بحسن نية

يعنى مثلاً فى اغانى مافيهاش صقفة و هما برده بيصقفوا

ياريت نوحد جمهور الزمالك فى المدرجات عشان نكون أيد واحدة نقدر نأثر على اللاعيبة

و طبعا مش عاوز أقولكم مثال على القردة بيعملوا ايه مع نجم الفريق بتاعنا كل ماتش

أنا مش بقول نشتم ... بس نكون فاهمين مدى تأثيرنا على اللاعيبة و نقدر نستغله صح مش نفضل نغنى مع نفسنا فى المدرجات و الفريق فى وادى تانى خالص !!


احنا لازم بعد كده مش نسكت لحكم حتى لو على رمية تماس ..مهما كانت الحاجة صغيرة منسكتش .. الحكم لما يلاقى الجماهير بتعترض على رمية تماس ويجى بعدها ضربة جزاء هيخاف ميحسبهاش

لكن لما يلاقى فريق مابيتحسبلهوش ضربة جزاء وبيسكت اكيد لما يجيب جول صحيح هيلغيه وده ال حصل فى ماتش المقاصة ..

جماهير برشلونة مثلا ..اى لاعب من المنافس يعمل فاول ضد لاعب من برشلونة صافرات استهجان ..اى قرار خطأ من الحكم برضه صافرات واعتراضات من اول كورة فى الماتش .. الحكم بعدها يتظبط علطول حتى لو الكورة فيها شك بيحسبها للبارسا .. عشان كده بيقولوا البارسا اكتر فريق مجاملة من الحكام فى اوربا .. لكن هى مش مجاملة ديه عقلية وثقافة الضغط على الخصم والحكام ..ازاى تطلع من الحكم قرار لصالحك بالضغط عليه من بداية الماتش