شنو علاج التأتأه... صرخة هاني خليفة

السلام عليكم ورحمة الله وبركاته...........وبعد. عندي ولدي عمره سبع سنوات كان يتكلم عادي وقبل سنتين. شاف اخوه الصغير ادعمته سيارة بس ماصار لخوه شي وبنفس اليوم نام اولدي وقعد بالليل يبجي وحظنتة وسميت عليه ورقيته وبعدها بكم يوم صارت عنده التأتأه يعني اذا بيقول لي ماما يمد الكلمه ممممممممممماما او اذا بيقول اي كلمه تبتدئ باي حرف يمد الحرف بعدين يقولها واحياناً مايقدر يقولها "مابيكم تقولون لي وديه لاستشاري او دكتور نفسي ودي أنا اساعده والله ياخواتي أني مهمومه من التأتأه وهو حيل ضعيف حاولت معاه ماكو فايدة والله يجعله بميزان حسناتكم. وشكراً
هلا اختي . . .

ولدج اسم الله عليه ما فيه الا العافية فيه خوف أدى الى حالة عيب النطق عنده . . .


أول خطوة ومهمة جدا من باجر روحي للمدرسة واطلبي الاختصاصية الاجتماعية واطلبي منهم يبلغون ابلات ولدج اذا اهو بالمدرسة او الروضة ان ولدج عنده عيب بالنطق ولازم يراعون هالشي واذا بيخلونه يشارك بالقراءة يخلونه يقرأ كلمة بسيطة او جملة ويعطونه وقت وتشجيع بعد :

اللي يبيه ولدج رقية شرعية + اختصاصي عيوب نطق

الاختصاصي ماله شغل بالطب النفسي كلششش

أو اذا بتعالجينه انتي لازم تعرفين مخارج الحروف وكيفية نطقها وبتفيدج الافلام اللي اضفتها لج


لان العجز بالنطق اللي عنده عجز مكتسب وليس مرضي او عيب خلقي . . .

يعني بإذن الله قابل للعلاج لكن يبيله صبر + مع تحيات هاني خليفة خبير في التربية الخاصة وبالله التوفقيق60735474