اللهفـــة والشوق والحنين
وتعـــــب القلـــــب والأنين
وبحر دموع وشوق لرجوع
ميشـفعـــوش ليا ياغاليين
***
راح فين بس الغرام
ولا هو كان كلام
ياما حبايب رجعوا لبعض
بعد ما كان بينهم خصام
***
إرجع تاني لذكرياتك
شوف إزاي دخلت حياتك
نظرة وكلمة جمعت بينا
وإتحديت الكل عشانك
***
جي دلوقتي تقول هرتاح
بعد ما مليت قلبي جراح
ياما قاسيت وياما داريت
عشان يعيش قلبك أفراح
***
لو مش هترجع قلبي هيقسي
وإن زاد عندك يمكن أنسي
يمكن لو طال صدك ليا
مركب قلبي تسيب المرسي
***
خايف عليك من الألم
وتحس يوم معني الندم
إرجع ياحبي نداوي الجراح
كفاية بقي قلبي إنظلم
ليست هناك تعليقات:
إرسال تعليق