صرخة هاني خليفة ..خايفة من الفضيحة بعد ما صورني وسابني

اتمنى انكوا تساعدونى فمشكلتى انا ونا في الجامعة حبيت واحد زميلى اكبر منى بسنتين عمرى محبيت حد زية بس هو مكنش بيحبنى اوى كدة زى منا بحبة وبعد شهر من علاقتنا جة اعترفلى انة عمل علاقة مش كويسة مع بنت وانا لالاسف سامحتة ودة كان لانى بحبة جدا وبعدها اترجانى مسبوش وانة هيتعدل وكلام من دة معداش فترة بسيطة يمكن اسبوعين واتغير معايا بدات ادور واسال صحابة عرفت انة بيبتدى علاقة جديدة قررت ساعتها انة ابعدعنة وقلت ميستهلنيش ولا مقدرنى مع انى والله كنت بسمع كلامه وبعمله كله حاجة عوزها وبحبه بصدق وكنت مستعدة استناه العمر كلة على ميجى يتقدملى هو بصراحة وافق انة يبعد عنى بسهولة ومفكرش حتى المرة دي يتحايل عليا افضل معاه قالى انتى خنقتينى انا بحب اكون حر انا مشكلتى انى من كتر مكنت بحبه كنت بوافقه على اى حاجة هو عوزها الاول بدا يجرب يكلم معايا فكلام خارج في التليفون وانا اسكت ومردش علية ويعد يتحايل عليا وانا مستجبتش لدة لانة عيب وحرام بعدها بفترة هو دخل النت عنده فالبيت وبدانا نكلم علية عادى وكلام عادى وهو بطل كلامه الخارج ف التليفون لما ملقاش منى استجابة بعد فترة سالنى لو عندى كاميرا الاول رفضت افتحالة وبعد محايلات جامدة ولانى مكنتش بحب ازعله فتحتها كان الاول يقلى اصلك وحشانى وكدة بعد شوية بدا يطلب منى ارفع هدومى علشان يشوفنى بالملابس الداخلية ومش هقلكوا كان بيضغط عليا ازاى ويتحايل ازاى مكسوفة منكوا وانا بقلكوا انى عملت كدة وكنت كل مرة ارفع هدومى علشان هو ينبسط عارفة انة ذنب كبير انا عملتة واستغفرت ربنا ويارب يسمحنى احنا بشر وكلنا بنغلط وكمان غلطة عملتها معاة كنت ببعتلة صور شخصية ليا وانا ممكن بهدوم البيت وونا من غير الحجاب صور شخصية يعنى بعد مسبنا بعض كنت سعات اشوفة صدفة وكنا بنتعامل عادى جدا زى ما كنا زمان صحاب وبس المهم هو خطب من فترة وانا كانت قارية فتحتى فنفس اليوم بتاع خطوبتة واتخطبت لواحد الحمد الله بيحبنى اوى وانا كمان حبيتة لانة محترم وطيب بس محكتلوش عن تجربتى دى بعد شهرين من الخطوبة دخلت على النت فلقيتة داخل عليا بيكلمنى وكلامة اتغير جدا بقى بيكلم بحنية اوى مكنش بيعملها وانا مرتبطة بية ولقيتة بيقلى لازم اقابلك انا ندمان انى ضيعتك من اديا انا هندم عليكى العمر كلة انا ظلمتك كتير اوى وجرحتك ولازم اغير فكرتك عنى ويقلى انتى وحشتينى وكلام غريب والله مكنش بيقلهولى فالوقت الكنت اتمنى اسمع منة كلمة واحدة احس فيها انة بيحبنى ولقيتة فوسط الكلام بيقلى دنتى صورك عندى بشوفها كل يوم قبل منام علشان بتكونى وحشانى وكمان بشوف الفديوهات سالتة فديوهات اية قالى منا كنت بصورك لما بتشغلى الكام بالموبايل وكل يوم بشوفهم علشان افتكر اد اية كنتى بتحبينى وبتعمليلى اى حاجة اانا عوزها وسالنى بعدها لسة بتحبينى قلتلة انا بحب خطيبى وبس قالى طب عاوز اشوفك رفضت ومن يومها مكلمتوش تانى مع انة بيسبلى اوف لاين كتير انى ادخل على النت علشان نبقى نكلم بس انا مبدخلش انا استغفرت ربنا ونفسى يسامحنى على غلطتى دى بس تفتكروا هيسبنى فحالى ولا ممكن يجى يوم ويبتذنى بالحجات دى او يوريها لخطيبى انا خايفة اوى ومش عارفة اعمل اية ولو حصل منة حاجة اتصرف ازاى معاة انا معنتش بكلمة خالص على النت وهو دة كان الصلة الوحيدة مبنا لانى غيرت رقم تليفونى اول متخطبت مش عارفة صورة الفيديو بتكون واضحة اوى ولا اية انا خايفة جدا تحصلى مشكلة وخايفة على خطيبى انة يتجرح او يتصدم فيا هو عاملنى وعارف اد اية انا كويسة الحمد الله لو عرف كدة عنى هيتصدم واهلى لو عرفوا انى عملت حاجة زى دى انا خايفة اوى لتحصل حاجة وخايفة من ربنا اوى خايقة ميكنش سامحنى على الغلطة دى ادعولى ربنا يغفرلى وقولولى لو اكلم معايا تانى ولا لمح لموضوع الصور والفيديو دة اقلة اية وارد علية ازاى ساعدونى ارجوكوا